Нұрсұлтан Назарбаев: «Ардагерлер өмірлік өнегесімен де қымбат»

АСТАНА. 9 мамыр. Астанадағы «Отан қорғаушылар» алаңында өткен мерекелік жиынға қатысқан Мемлекет басшысы Жеңіс күнін есімізден шығармауға шақырды. Бұл туралы egemen.kz тілшісі хабарлады. Салтанатты шарада Президент ардагерлеріміздің тек майдандағы ерліктерімен ғана емес, өнегелі өмірлерімен де құрметті екенін жеткізе отырып: «Жеңіс күні – Ұлы мереке. Әкелеріміз бен аталарымыздың арқасында біз бүгін бейбіт аспан астында өмір сүрудеміз, қуатты мемлекет құрып, болашаққа сеніммен қарап отырмыз», – деді. Сондай-ақ, ол ардагерлермен бірге тыл еңбеккерлеріне де мемлекет тарапынан мүмкіндігінше қолдау білдіріліп отырғанын жеткізді. Мемлекет басшысы сөзінің соңында арамызда жүрген қарт майдангерлердің аман-сау жүре берулеріне тілектестігін білдірді. Президент  «Отан қорғаушылар» алаңына орнатылған шатырлар қалашығында қариялармен емен-жарқын әңгімелесті. Жолдыбай Базар. Дереккөз: egemen.kz. Фото: «ҚазАқпарат».