Елордада соғыс жылдарындағы әндер шырқалады

АСТАНА. 9 мамыр. Астана әкімдігі ғимаратының алдындағы алаңда Жеңіс күніне арналған концерт өтеді. Бұл туралы astana.gov.kz сайты хабарлады. Бүгінгі және келер ұрпақ жаһанды дауылымен жайпап өткен Ұлы Отан соғысында жанқиярлықпен ерлік көрсеткен ата, әжелерімізді ұмытпауы керек. Сондықтан, сол кезеңдерден молынан хабар беретін рухани дүниелерге назар аударсақ ұтылмаймыз. Бүгін сағат 19:00-де қалалық әкімдіктің алдында ұйымдастырылмақ мәдени шарада өнер ұжымдары соғыс жылдардағы әндерді орындайды. Бұлардан бөлек, Asem және «Тенгри» тобы, ANISSA тобы, Артём Романов және тағы басқа да әншілер өнер көрсетеді. Бұл концертте әрбір өнерпаз міндетті түрде әскери тақырыптағы бір ән орындайды. Бір айта кетер жәйт, шырқалатын әндер замануаи сипатта айтылады. Концерт Ұлы Отан соғысы ардагерлеріне құрмет көрсету және жастарды отансүйгіштікке тәрбиелеу мақсатында ұйымдастырылуда. Жолдыбай Базар. Дереккөз: astana.gov. kz. Фото: news.nur.kz.