«Әлі де солтүстік-батыс антициклон әсерінен Қазақстанның басым бөлігінде жауын-шашынсыз ауа райы сақталады. Тек еліміздің оңтүстік-шығысында, шығысында, солтүстігінде атмосфералық фронттардың өтуіне байланысты жаңбыр жауып, найзағай болады. Республика бойынша кей жерлерде желдің күшеюі, түнгі және таңертеңгі сағаттарда еліміздің шығысында тұман болады», делінген «Қазгидромет» РМК хабарламасында.
Қызылорда облысында, Түркістан облысының басым бөлігінде, Батыс Қазақстан облысының оңтүстік-батысында, Атырау облысының батысында, шығысында, Абай облысының оңтүстігінде төтенше өрт қаупі сақталады.
Күндіз Атырау облысының басым бөлігінде, Батыс Қазақстан облысының оңтүстік-батысында қатты ыстық сақталады.
Нұр-Сұлтан қаласында ауа райы көшпелі бұлтты, жауын-шашынсыз болады. Солтүстік бағыттан жел соғады, күші түнде 2-7, күндіз 7-12 м/с жетеді. Ауа температурасы түнде 6-8, күндіз 23-25 градус жылы болады.
Алматы қаласында ауа райы көшпелі бұлтты болады, таңертең және күндіз жаңбыр жауады. Оңтүстік-шығыстан жел соғады, күші 3-8, екпіні 13 м/с. Ауаның температурасы түнде 14-16, күндіз 24-26 градус жылы болады.
Шымкент қаласында ауа райы көшпелі бұлтты, жауын-шашынсыз болады. Солтүстік-шығыстан жел соғады, күші 8-13 м/с. Ауаның температурасы түнде 14-16, күндіз 30-32 градус жылы болады.
