Атырау жерінде тұңғыш рет қызғалдақтар өсірілді

АТЫРАУ. 12 мамыр. Биыл Атырау қаласында қызғалдақтар алғаш рет бүр жарып, көшелерге көрік берді. Бұл туралы «24kz» хабарлады. 2013 жылдың күзінде 2,5 мың шаршы метр жерге 240 мың дана лалагүл пиязшығы отырғызылған. Қазір сол пиязшықтардан қызғалдақтар өніп, қала саябақтарына ерекше әр беріп тұр. Лалагүл тұқымдастарға жатқызылатын қызғалдақ гүлі бұған дейін Атырау қаласында егіліп көрмепті. Бір маусымдағы ғұмыры 2-3 аптаға жететін көпжылдық өсімдіктер тобындағы қызғалдақтардың қасына енді басқа да сәндік гүлдер егілмек. Атырау қалалық көгалдандыру мекемесінің директоры Наталья Доршинаның айтуынша, бұл гүлдің 15 түрі егіліпті. Олар рет-ретімен бүр жарып жатқан көрінеді. Ал бұлардың тұқымдары сонау Голландиядан әкелініпті. Жолдыбай Базар. Дереккөз: «24kz». Фото: naturetop.ru.