«Астананың» намысын қорғап жүрген колумбиялық легионер жоғарыдағы көрсеткішінің арқасында бірден 15 сатыға жоғарылап, қазіргі кезде 17-орынды иеленуде. Испанияның солтүстігіндегі Ирун қаласы мен Пико Яно таулы аймағын жалғастырып жатқан 181,2 шақырымдық қашықтықта бельгиялық Alpecin-Deceuninck клубы сапында өнер көрсететін 26 жастағы Аустралияның велошабандозы Джей Вайна шашасына шаң жұқтырмады. Оның көрсеткіші – 4 сағат 38 минут. Жеңімпаздан небәрі 15 секунд қалып қойған Бельгияның беткеұстары Ремко Эвенепул (Quick-Step) екінші орынды иеленсе, испаниялық Энрик Мас (Movistar) үшінші сатыға табан тіреді.
Ал жалпы есепте Ремко Эвенепул бірінші орынға көтерілді. Оның уақыты – 20 сағат 50 минут 07 секунд. Өткен кезеңде көш бастаған франциялық Руди Молар (Groupama – FDJ) екінші сатыға сырғып түсті. Үздік үштікті Энрик Мас түйіндеуде.
