Күн арба жарымжандарды қуанышқа бөлейді

Қ.А.Ясауи атындағы ХҚТУ қыз­меткері Сатылмыш Чайыр күн көзінен қуат алатын арба жасап шығарды. Арнайы қойылған батереялар арқылы күннен қуат алған ток аккумуляторға жиналып, арбаны қозғалысқа түсіреді. Көшеде де жүріп-тұруға ыңғайлы үш аяқты көлік мүгедек жандар үшін таптырмас құрал болып отыр. Жуырда Қ.А.Ясауи атындағы Халық­­­аралық қазақ-түрік университетінің Өкі­летті кеңес төрағасы Осман Хората Кен­тау қаласында болып, күн арбаны 1-топ мүгедегі Жәнібек Бекмұратовқа тарту етті. – Біз үшін көптеген ауыртпалықтар артта қалатын болды. Бүгінге дейін 10-нан астам арбаны ауыстырған едік. Енді балам өздігімен көшеде емін-еркін жүре алады. Университет ұжымына, осындай игі істерді құрастырушыларға алғысым шек­сіз – дейді Ж.Бекмұратовтың анасы Ж.Толайынова. Түркиядан келіп, қазақ балаларын кәсіби білім алуға баулып жүрген ма­­­­­ман­ның бұл алғашқы туындысы емес. Оның алдында ол күн энергиясынан қуат алатын аристонды құрастырып, іске қосқан. Жасалған арба Түркия тарапынан қаржыландырылған. Алдағы уа­қытта да университет ұжымы күннен қуат алатын арбаның санын арттырып, жа­­­­­рымжан адамдарды қуанышқа бө­­­лемек. Сондай-ақ, оқу орнында баламалы энергия­­ны кеңінен пайдалану жоспарланып отыр. Қайрат ЗАЙНИШЕВ. Суретті түсірген  Болат Кәкібала.