Кеше ғана екінші орын алып, қазақстандық жанкүйерлерді қуантқан «Астананың» серкесі Мигель Анхель Лопес бұл жолы да жақсы өнер көрсетті. Осы кезеңнің жеңімпазы Тимен Аренсманнан 1 минут 15 секунд қалып қойған ол үшінші сатыға жайғасты. Немістердің Team DSM клубының намысын қорғап жүрген 22 жастағы Нидерландтың жас жұлдызы 149,6 шақырымдық қашықтықты 4 сағат 17 минут 17 секундта жүріп өтті. Екінші орынды Испанияның Movistar Team ұжымының оғланы, германиялық Энрик Мас иеленді.
Жалпы есептегі жағдай өзгеріссіз. Бельгиялық Ремко Эвенепул (Quick-Step Alpha Vinyl Team), словениялық Примож Роглич (Jumbo-Visma) және Энрик Мас (Movistar Team) үздік үштіктің санатында. Мигель Анхель Лопес әлі де алтыншы орынға табан тіреп тұр.
