Қазақстан • 07 Қыркүйек, 2022

Жолдаудың басым бағыттарын талқылады

93 рет көрсетілді

Л.Н.Гумилев атындағы Еуразия ұлттық университетінде Мем­­лекет басшысы Қасым-Жомарт Тоқаевтың Қазақ­стан хал­қына Жолдауын талқылау мақсатында «Біртұ­тас ұлт: са­па және инклюзивті өсім негіздері» атты дөңге­лек үстел өтті. Оған еліміздің ғылыми-сарапшылар қауымдас­ты­ғы­ның өкіл­дері, республикалық және қалалық жастар ұйым­дары­ның өкіл­дері, профессор-оқытушылар құрамы, студенттер қатысты.

Жиынға қатысушылар тарихи маңызды құжаттағы барлық қазақстандық қоғам алдында тұрған нақты міндеттерді кеңі­нен саралады. Отырыста сөз алған академик Дихан Қамза­бекұлы: «Президенттің Жол­дауы – ел дамуының негізгі қоз­­ғаушы күші, біз үшін жаңа белес. Бұл маңызды құжат мем­­ле­ке­тіміздің келешегін бағ­­дар­лайтын, дүниежүзілік бәсеке­лестікте іскерлігін бағамдай­тын, негіз және ол Қазақ­­стан­ның дамуының жаңа көк­жиек­терін белгілеумен құнды», деді.

м

ЕҰУ «Саясаттану» кафед­расының меңгерушісі Бағыш Ғабдуллина Президент Қасым-Жомарт Тоқаевтың Қазақстан халқына арнаған Жолдауы бұл елдің болашағын айқындайтын терең тарихи құжат екенін атап өтті. «Жол­дауда адам капиталына жақсы мән берілген. Біз бұрын арман­даған, бірақ орындалуы мүмкін еместей көрінген елдің ұлттық байлығын әрбір отбасының пайдалануы іске асады. Ұлттық қордағы кірістің 50 пайызы 18 жасқа дейінгі балаладың шотына аударылады. Сонымен қатар педагогикалық жоғары оқу орындарын аккредиттеудің жаңа стандарты қабылданады және педагогтің құзыреттілік шеңбері әзірленеді, яғни жоғары құзыретті педагогтер қалыптасады. Бұл тапсырмалар іске асса, онда еліміздегі білім-ғылымның одан әрі дамуында үлкен өзгерістер болатынына сенімдімін», деді кафедра меңгерушісі.

Ал жастар ұйымдарының өкілдері Жолдау еліміздегі жастардың дамуына және білім алуына үлкен серпін беретінін айтты. Бұл туралы «Qazaqstan Team» республикалық қоғам­дық жастар бірлестігінің жетек­шісі Олжас Сүлеймен: «Мем­лекет жастарға жан-жақты қол­дау көрсетіп жатқаны қуан­тады. Президент Жолдауда еңбек­пен қамтитын түрлі шаралар арқылы келесі жылы 100 мың жасқа жұмыс беру керек­тігін, олардың кәсіпкерлік баста­ма­ларын қолдап және жеңіл­детілген тәртіппен жылдық өсімі 2,5 пайыз болатын шағын несие берілетінін айтты. Тәуел­сіздігімізді сақтап, мемлеке­тімізді өркендету жолында Пре­зидент айқындаған стратегия­лық бағытты әрдайым ұстан­сақ, ұлы жетістіктерді кейінгі ұрпаққа үлгі етіп жалғас­ты­рарымыз ақиқат. Бұл – Қазақ­стан Республикасының әрбір азаматының міндеті деп ойлаймын», деді.

Соңғы жаңалықтар

ШҚО-да алып бала дүниеге келді

Аймақтар • 27 Қаңтар, 2023

Ұқсас жаңалықтар