Туризм • 12 Қыркүйек, 2022

Қазақстанда туристік саланы дамытудың жаңа тұжырымдамасы әзірленді

76 рет көрсетілді

Мәдениет және спорт министрлігі Қазақстан Республикасының туристік саласын дамытудың 2026 жылға дейінгі тұжырымдамасының жаңа жобасын әзірледі, деп хабарлайды Egemen.kz.

Тұжырымдама бойынша туризм индустриясы бәсекеге қабілетті бизнесі бар басым туристік аумақтарда дамиды. Оның негізін ішкі және шетелдік туристер үшін тартымды туристік өнімдерді ұсынатын білікті қызметкерлер құрайды.

Туризмді дамытудың негізгі қағидаттары мен тәсілдері:

  1. Тұжырымдама көлік инфрақұрылымын дамытуды, автомобиль қатынасы мен тұрақты қалалық көліктің қолжетімділігін, әуе және теміржол қатынасын дамытуды, шекаралық өткізу пункттерінің инфрақұрылымын, сумен жабдықтауды және су бұруды қоса алғанда, елдің туристік дестинацияларын кешенді дамыту мен абаттандыруды қамтиды.
  2. Туристік инфрақұрылымды (көлік хабтары, әуежайлар, теміржол вокзалдары, жергілікті маңызы бар автомобиль жолдары, елді мекендерден тыс орналасқан объектілерге кірме жолдар, жол бойындағы сервис, санитариялық-гигиеналық тораптар) дамыту ұсынылады.
  3. Қазақстанның табиғи, тарихи-мәдени, этностық әртүрлілігі мен гастрономиясының ерекшеліктерін ескере отырып, туристік дестинациялардың айналасында сапалы және теңтүпнұсқалы туристік өнімдерді жасау, сондай-ақ елдің киелі объектілерінің «киелі география» мәдени-географиялық картасы әзірленеді.

Тұжырымдаманы іске асыру кезінде туристік саладағы өзекті мәселелерді шешуге баса назар аударылады.

Мемлекет стратегиялық құжаттарды жеңілдікпен қаржыландыруды, инвестициялық келісімшарттар жасасу кезінде инвестициялық преференцияларды бөлу, жер, инфрақұрылымдық және өзге де проблемалық мәселелерді мемлекеттік органдармен шешу бөлігінде инвестициялық жобаларды іске асыруға қатысады деп болжануда.

Өз кезегінде кәсіпкерлер табиғи аумақтар аумағында туристік сала жобаларын іске асыру шеңберінде жеңілдетілген несие алуға үміткер бола алады.

Ұлттық парктерде экологиялық туризм жөніндегі жобаларды табысты іске асыру үшін зәкірлік инвесторлармен жұмыс жалғасады.

Тұжырымдама жобасы инвестицияларды жоспарлау қағидатын енгізуді де көздейді. Осылайша, туристік маршруттарды түгендеу және туристік инфрақұрылымның дамуын рейтингтік бағалау бойынша өңірлерде жүргізілген жұмыстар нақты объектілерге қажеттілікті анықтауға мүмкіндік береді және туристік дестинацияларды одан әрі дамытуға бағытталған инвесторлар үшін негізделген және кешенді ұсыныстар қалыптастыру көзі болады.

Болжамдық есептеулерге сәйкес, 2026 жылға қарай кәсіпкерлерді жаңа шаралармен жалпы қамту кемінде 2,5 мың бірлікке жетеді.

Сондай-ақ құжат өңірлік туризмді дамыту үшін шағын, орта және ірі «зәкірлік» инвестициялық жобаларды іске асыруға жеке капиталды тартуды көздейді.

Басым аумақтар ретінде Маңғыстау облысы, Түркістан облысы, Алматы тау кластері және басқалары сияқты туристік дестинациялар әрекет етеді.

Сонымен қатар 2026 жылға дейін Қазақстан қонақ үйлерінің 95%-дан астамын елге келген кемінде 250 мың шетелдік келуші тіркелетін Е-Qonaq (e-Hotel) ақпараттық жүйесімен қамтамасыз ету жоспарлануда.

Сондай-ақ туризм саласы қызметкерлерінің біліктілігін арттыру бойынша жұмыстар жүргізу, тәжірибелі жергілікті және халықаралық сарапшыларды, оның ішінде онлайн форматта тарта отырып, оқыту іс-шараларын, тренингтер, тағылымдамалар, мастер-кластар, біліктілікті арттыру курстарын өткізу жоспарлануда.

Туристік өнімдерді дамыту бойынша, оның ішінде MICE туризм, туристік қызметтер сапасының стандарттары және басқалары бойынша туристік бизнес субъектілері үшін арнайы бағдарламалар әзірленеді деп күтілуде.

Мәселен, 2026 жылға қарай құзыреттерді дамыту жөніндегі іс-шаралармен туризм саласында кемінде 5,5 мың жұмыспен қамтылуды қамтамасыз ету жоспарлануда.

Тұжырымдаманы қабылдау отандық туристік саланы тиімді дамыту үшін қажетті жағдайлар жасауға және 2026 жылы ЖІӨ құрылымындағы 8,2%-дық үлес бойынша мақсатқа қол жеткізуге мүмкіндік береді деп болжануда.

Айта кетсек, Қазақстан Республикасының туристік саласын дамытудың 2023 жылға дейінгі тұжырымдамасының және Қазақстан Республикасының туристік саласын дамытудың 2019-2025 жылдарға арналған мемлекеттік бағдарламасының күші жойылды деп танылды.

Құжат 23 қыркүйекке дейін Ашық НҚА сайтында жария талқылау үшін орналастырылған.

Соңғы жаңалықтар

Ұқсас жаңалықтар