Дүниежүзілік рейтингте 214-орында тұрған Михаил Кукушкин Томми Полмен күш сынасты. Әлемнің 29-ракеткасы жерлесімізді еш қиналмай жеңді – 6:1, 6:4. Келесі ойында Александр Бублик таразы басын теңестіретін шығар деп үміттендік. Ол биылғы Уимблдон турнирінде ширек финалға дейін жеткен Тейлор Фрицпен шеберлік байқасты. Отандасымыз АТР рейтингінде 12-орынға тұрақтаған АҚШ-тың ең үздік ойыншысының осал тұсын таба алмады – 6:7, 6:1, 3:6. Жұптық сайыста Бублик пен Александр Недовесов Раджив Рам мен Джек Сокты сан соқтырғанымен, жеңіс америкалықтардың уысында кетті. Қорытынды есеп – 1:2.
Қатарынан екі кездесуде ұтылған Қазақстан құрамасы соңғы матчта Ұлыбританиямен күш сынасты. Бұл бәсекеде де жерлестеріміз жеңілістің кермек дәмін татты. Атап айтсақ, Дмитрий Попко Энди Маррейден ұтылды – 4:6, 3:6. Александр Бублик Кэмерон Норриден басым түсті – 6:4, 6:3. Ал жұптық бәсекеде Бублик пен оның аттасы Александр Недовесов Джо Солсбери мен Нил Скупскиге есе жіберді – 6:7, 7:6, 6:7.
