Аймақтар • 20 Қыркүйек, 2022

Отбасы бақыты бәрінен биік

107 рет көрсетілді

Алаштың алтын бесігі саналатын Сыр өңірінде 141 мыңнан аса отбасы бар. Олардың 48 мыңы – көпбалалы шаңырақ. Облыста 17 мыңға жуық ана «Алтын алқа» мен «Күміс алқа» иегері атанып отыр. Тамырын кеңге жайған осындай әулеттер өнегесі жаңа шаңырақ тіктеген кейінгі жастарға үлгі.

«Отбасы күні» аясында облыс әкімі Нұрлыбек Нәлібаев жар­ты ғасыр бірге ғұмыр кешіп келе жатқан алтын той иелерімен кез­десті. Олардың қатарында еңбе­гімен абырой биігіне көтерілген әулеттер өкілдері болды.

Өңір басшысы ұлтымызда отбасы ұғымының орны бөлек екенін атап өтіп, шаңырақ шаттығын бәрінен биік қойған жандарға құрмет танытты.

– Халқымызда «Отан – отбасынан басталады» деген керемет сөз бар. Отанды сүюге тәрбиелей­тін бірден-бір орта – отбасы. Жара­сым, сүйіспеншілік, мейірім секілді ізгі қасиеттер арқылы ғана шаңы­рақ биік құрылып, керегесін кеңей­тіп, түтіні түзу ұшады. Ел Президенті Қасым-Жомарт Кемелұлы Тоқаев осы жылғы Жолдауында отбасын қорғау және бала капиталын қалыптастыруға ерекше мән берді. Мұндай қолдау әрбір қазақстандықтың өз болашағына деген сенімін нығайта түсетіні сөзсіз, – деді облыс басшысы.

Қазір өңірде ел тұрмысын жақ­сарту үшін қолға алынған жобалар көп. Бұл бастамаға жергілікті кәсіпкерлер де үлес қоспақ. Сон­дай іскер азаматтың бірі облыс орталығынан «Аналар үйін» салу­ға бел байлап отыр.

Кездесуде берекелі шаңырақ иелерін облыстық мәслихат хат­шы­сы Наурызбай Байқадамов «От­басы күнімен» құттықтап, осын­­­дай мәуелі баққа айналған әулет­­­тегі шаңырақ жарасымы жас­­­тар­ға үлгі болуы керектігін айтты.

Жиында 7 бала, 20 немере, 5 шө­бере тәрбиелеген Файзулла Сахиев пен шаңырағынан 8 бала, 22 немере, 8 шөбере өрбіген Батыр ана, «Еңбекте үздік шыққаны үшін» медалі мен «Күміс алқа» иегері, сауыншы Разия Аппазова сөз алды.

Соңғы үш жылда өңірде бала туу көрсеткіші 16 пайызға көбе­йіп, демографиялық өсім артты. Әкім­мен әңгімеде осы саладағы мә­селелер де айтыл­ды. Арал ауда­нындағы Сексеуіл кентінің тұр­ғыны Төлебай Маханов мыңдаған тұрғыны бар елді мекенде перзентхана жоқтығын, аурухана құры­лысының ұзаққа созылып кеткенін жеткізді.

Жиналғандар отбасы өнегесі, бала тәрбиесі мен жастарға ұлт­тық құндылықтарды насихаттау жа­йында пікір алмасты Алтын той иелеріне жергілікті өнерпаздар жырдан шашу шашып, әулеттің аналарына сый-құрмет көрсетілді.

 

ҚЫЗЫЛОРДА

Соңғы жаңалықтар

Президент Жамбыл облысына барды

Қазақстан • Бүгін, 11:43

Жер дауы заңмен шешіледі

Аймақтар • Бүгін, 08:55

Ұқсас жаңалықтар