Мексика президенті Андрес Мануэль Лопес Обрадор әлеуметтік желіде Ұлттық сейсмологиялық қызметтің мәліметі бойынша жер сілкінісінің эпицентрі Мичоакан штатындағы Коалкоман қаласынан оңтүстікке қарай 63 шақырым жерде, ошағы 15 шақырым тереңдікте болғанын айтты.
«Біз ақпарат жинауды жалғастырамыз. Жағдай одан әрі ушықпайды деп үміттенеміз», деді ел президенті.
Жер сілкінісі жергілікті уақыт бойынша 13:05-те, бүкіл ел бойынша миллиондаған мексикалықтар ұлттық жер сілкінісіне ден қою жаттығуларына қатысқаннан кейін шамамен бір сағат өткен соң тіркелді.
Ел тұрғындарына жер асты дүмпуі қатты сезілген.
