Қоғам • 22 Қыркүйек, 2022

Қатталған қала тарихы

49 рет көрсетілді

Халықтың қалауымен Нұр-Сұлтан қаласы қайта Астана болып бекіді. Бұл да – бір тарихи оқиға. Терең­нен тартсаңыз, талай рет аты жаңарған әсем ша­һарға Астана есімі әр беріп тұрғандай. Айтуға оңай һәм астарлы. Әсіресе жас­тарды ерекше күйге бөлейді. Мұны «Менің қалам­ның тарихы» атты экскур­сиялық көрмеде байқадық.

«Архив және болашақ ұрпақ» жоба­сының негізінде жүзеге асқан, мектеп оқушыларына арналған көрме көптің көңілінен шықты. Балалар қала шежіресіне қанығып, фотосуреттерді тамашалады. Жалпы, игілікті шараға мұрындық болған Астана қаласының мемлекеттік архиві мен Мәдениет және спорт министрлігінің Архив істері және құжаттаманы басқару комитеті.

Іс-шараның негізі мақсаты – бала­лардың Отанға деген сүйіспеншілігін ояту. Сондай-ақ елордамыздың қалып­тасу тарихымен жақын таныстырып, патриотизмге тәрбиелеу. Расында жас­тар өздерінің сүйікті қаласының тарихын тереңінен танып түйсінетін бол­са, өткенге құрметпен қарайтыны анық. Осы орайда ұйымдастырылған көрменің оқушыларға берер құндылығы көп. Өтпелі кезеңдер мен айшықты оқиғалар, сәулет кешендері, ғажайып ғимараттардың бәрі уақыттың жаңғы­рығы іспетті. Жүрекке жылылық құяды.

Іс-шара барысында оқушылар көр­мені қызыға тамашалады. Маман­дарға сұрақтар қойып, өздеріне қызық әрі керек ақпараттарға қанықты. Ұйымдас­тырушылар тарапынан викториналық сауалдарға дұрыс жауап берген оқу­шыларға «Елорда – Тәуелсіздік символы» атты кітап сыйға тартылды.

Соңғы жаңалықтар

Еліміздің 3 өңірінде қар жауады

Ауа райы • Бүгін, 17:20

Астанада жылу беріле бастады

Елорда • Бүгін, 17:00

Доллар бағамы өсті

Қаржы • Бүгін, 15:52

Ұқсас жаңалықтар