Семинар-тренинг барысында кәсіпкерлер Naqty Sauda Akt және Naqty Sauda Kassa мобильді қосымшаларымен жұмыс істеуге үйреніп, өнімді цифрлық таңбалау жүйесі туралы толығырақ ақпарат алды.
ЕАЭО елдерінде, оның ішінде Қазақстанда да, цифрлық таңбалау екі өлшемді Data Matrix коды арқылы жүзеге асырылады. Кәсіпкерлер оны өнім орамына басып шығарады, ал тұтынушылар оны арнайы қолданба арқылы сканерлей алады.
Цифрлық таңбалау экожүйесінде жалпы үш мобильді қосымша бар:
- Naqty Onim тұтынушыға таңбаланған өнім туралы барлық ақпаратты білуге мүмкіндік береді;
- Naqty Sauda Kassa 2D сканерін сатып алу мүмкіндігі жоқ бөлшек саудагерлерге арналған;
- Naqty Sauda Akt қабылдау-тапсыру актілерін растауға немесе қабылдамауға мүмкіндік береді.
Сондай-ақ семинар қатысушыларына «Автоматты түрде кәдеге жарату» сервисі ұсынылды, оның көмегімен кәсіпкерлер «Темекі өнімдері» өнім тобында таңбалау кодтарын автоматты түрде кәдеге жарату арқылы жеңілдетілген функция арқылы қабылдау және тапсыру актілерін растайды.
«Әр кәсіпкердің жаңартылған Naqty Sauda Akt мобильді қосымшасының барлық нұсқаларына қол жеткізе отырып, өнімді таңбалаудың маңыздылығын және оның контрафактілік өніммен күрестегі рөлін түсінуі өте маңызды. Біз тауарларды таңбалау және қадағалау жүйесіндегі жұмыстың әрбір кезеңін жақсартуға тырысамыз. Бизнеспен байланыс арналарын көбейттік: тәулік бойы жұмыс істейтін сенім телефоны бар, вебинарлар, кездесулер, ақпараттық турлар өткіземіз. Нарық қатысушыларымен бірлесе отырып, тауарларды цифрлық таңбалауға қатысты әр мәселені егжей-тегжейлі пысықтап жатырмыз», деді өнім тобының жоба менеджері Лейла Мұстафина.
Еске сала кетейік, 2022 жылдың 13 шілдесінде цифрлық таңбалау темекі өнімдерін сәйкестендіру үшін бұрын қолданылған акциздік таңбаның функциясын толығымен ауыстырды. Енді цифрлық таңбалау коды жоқ темекі өнімдерінің айналымы үшін жосықсыз кәсіпкерлердің тауарлары тәркіленіп, лицензиясынан айырылып, айыппұл төлеуге міндетті болады.
«Барлық темекі өнімі арнайы код түріндегі сәйкестендіру құралдарымен таңбаланады. Сондай-ақ 2022 жылдың 1 қаңтарынан бастап темекі өнімдерін акциздік таңбалармен таңбалау алынып тасталды. Осыған байланысты Қазақстан Республикасына тасымалданатын барлық темекі өнімі тек сәйкестендіру құралдарымен таңбаланады», деді Ақмола облысы бойынша Мемлекеттік кірістер департаментінің әкімшілік басқармасының акциздік салық басқармасының басшысы Ержан Шүлембеков.
Биыл тамыз айында Қазақстанға таңбаланбаған 4 млн қораптан астам темекі заңсыз әкелінген. Аталған бұзушылықтар бойынша бюджетке төленетін кедендік төлемдер, салық пен акциздердің сомасы 1,2 млрд теңгені құрады.
