Заңның талаптарына сәйкес келеді

Нұрлан Әбдіровтің төрағалығы­мен өткен Орталық сайлау ко­миссия­сы­ның кезекті отырысында Мейрам Қажыкеннің Қазақстан Рес­пуб­­ликасы президенттігіне кандидаттыққа сәйкес­тігі туралы мәселе қаралды.

Күн тәртібіндегі мәселе бойынша Орталық сайлау комиссиясының мүшесі Шавкат Өтемісов баяндама жасады. Ол Қазақстан Республикасы Президенттігіне кандидат Мейрам Қажыкенге қатысты сайлау туралы Конституциялық заңның 59-бабының талаптарына сәйкес ОСК уәкілетті мемлекеттік органдарға тиісті сұрау жібергенін хабарлады. Құзы­ретті мемлекеттік органдардан келген мәліметтерге сай М.Қажыкеннің Қазақстан Республикасы Прези­дент­тігіне кандидат ретінде тіркелуіне кедер­гілер жоқ екені анықталды.

Мәселен, Бас прокуратураның құқықтық статистика және арнайы есепке алу жөніндегі комитетінің мәліметіне сай Мейрам Қажыкен Қазақстан пре­зиденттігіне кандидаттарға қойыла­тын Конституция мен «Қазақстан Респуб­ли­касындағы сайлау туралы» Конститу­циялық заңының талаптарына сәйкес келеді. Ішкі істер министрлігінің мәліметі бойынша ол тумысынан Қазақстан Республикасының азаматы, Қазақстанда соңғы 61 жыл бойы тұра­ды. 2022 жылғы 8 қазандағы лингвис­тика­­лық комис­сияның қорытын­ды­сы бо­йынша мем­лекеттік тілді ер­кін меңге­рген. Ұсы­ныл­ған дипломның көшір­месіне сай жо­ғары білімі бар (дип­лом­ның түпнұс­қа­сымен салыстырып тек­серу жүргізіл­ді). Қазақстан Республи­касы­ның Мемле­кеттік қызмет істері агент­тігі ұсынған мәлі­меттерге сай мемле­кет­тік қыз­меттегі және сайлан­балы мемле­кет­тік лауа­зым­дардағы жұмыс тәжіри­бесі – 14 жыл. Әділет министрлігі ұсын­ған мәлі­­меттерге сәй­кес, Қазақстан Рес­пуб­­ли­­ка­сы­ның Пре­зи­­денттігіне кандидатты ұсын­ған «Аманат» Қазақстан кәсіп­одақ­тарының ынты­мақтастығы» респуб­ли­ка­лық кәсіпо­дақ­тар бірлестігінің Әді­лет министрлігінде тіркелгені туралы құжаты бар.