Экспортты ескере отырып, 16 қазанда электр энергиясын өндіру 86,9 млрд кВт/сағ құрады.
«Қазіргі уақытта бірыңғай электр энергетикалық жүйесі тұрақты жұмыс істейді. Тұтыну 86,8 млрд кВт/сағ құрады, бұл өткен жылдың сәйкес кезеңіндегі көрсеткіштен 1,4%-ға төмен. Тұтынудың төмендеуі көбінесе цифрлық тау-кен өндірісі бойынша заңсыз қызметті жүзеге асырған адамдарды анықтау бойынша жүргізілген жұмыстармен байланысты», деп түсіндірді Болат Ақшолақов.
Энергетика министрлігінің бағалауы бойынша күзгі-қысқы кезеңде энергия жүйесіндегі ең жоғары жүктеме шамамен 16,1 ГВт құрайды.
Ведомство басшысы тау-кен өндірісімен айналысу үшін компания заң негізінде тіркеліп, салық төлеуші болып және ең бастысы, оған сатып алынған және оның меншігі болып саналатын жабдықты пайдалануы керек екенін еске салды.
