БҰҰ-ның өкілі Мартин Сайдик Мемлекет басшысына алғысын білдірді

АСТАНА. 23 мамыр. БҰҰ Экономикалық және әлеуметтік кеңесінің президенті Мартин Сайдик Астана экономикалық форумын өткізуде бағыт-бағдар берген рөлі үшін Нұрсұлтан Назарбаевқа алғысын жеткізді. Бұл туралы «ҚазАқпарат» хабарлады. Сондай-ақ, ол VII Астана экономикалық форумы мен Дағдарысқа қарсы II дүниежүзілік конференциясының пленарлық отырысында  Астананың жетістіктері мақтауларға лайық екенін атап өтті. Осыдан 15 жыл бұрын Астанада болған  Мартин Сайдик: «Осы жолғы сапарымда Астанадағы өзгерістер мені шын мәнінде қатты таңғалдырды. 15 жылдың ішінде Қазақстан елордасы өте қатты өзгерген. Астана орасан зор қадам жасаған. Бүгінде ол гүлденген ірі шаһарға айналып отыр», – деді. Бұдан бөлек,  БҰҰ Экономикалық және әлеуметтік кеңесінің президенті форум жөнінде:«Маған VII Астана экономикалық форумындағы маңызды пікіралмасулар мен терең талдаулар қатты әсер етті», – деді. Жолдыбай Базар. Дереккөз: «ҚазАқпарат». Фото: unmultimedia.org.