Еуразиялық экономикалық одақ бүкіл Еуразия құрлығына пайдалы

АСТАНА. 26 мамыр. Еуразиялық экономикалық одақтың құрылуы тек қатысушы мемлекеттер үшін ғана емес, бүкіл Еуразия құрлығына пайдасын тигізеді. Үкімет басшысының бірінші орынбасары Бақытжан Сағынтаев VII Астана экономикалық форумы аясындағы панельдік сессияда осылай деді. Бұл туралы primeminister.kz хабарлады. Бақытжан Сағынтаевтың айтуынша, еліміз барлық сауда серіктестерімен ынтымақтастықты кеңейтуді, өзара инвестициялар көлемін арттыруды құптайды. Еуразиялық экономикалық одақтың әлеуеті өзінің қатысушыларына, сонымен бірге, Еуразия құрлығындағы барлық елдерге пайда әкелетініне сенім мол. Сондай-ақ, ол бірқатар мемлекеттердің  Еуразиялық экономикалық одаққа жоғары деңгейде қызығушылық танытып отырғанын атап өтті. Жолдыбай Базар. Дереккөз: primeminister.kz. Фото: primeminister.kz.