Бірыңғай экономикалық кеңістіктің ауқымды нарығы әлем назарын аударып отыр

АСТАНА. 27 мамыр. Қазіргі таңда көптеген мемлекеттер Еуразиялық экономикалық одақтың ауқымды жаңа нарығының келешегіне сеніммен қарауда. Бұл туралы egemen.kz тілшісі хабарлады. Бірқатар мемлекеттер Бірыңғай экономикалық кеңістікке қатысушы елдердің  нарықтарына өз тауарлары мен сервистік қызметтерін ұсынуда. Олар қазірдің өзінде еліміздегі бірлескен жобаларға инвестициялар құя бастады. Бұл үрдіс қоғамымыздың моральдық, материалдық және әлеуметтік жағдайына оң ықпалын тигізбей қоймайды. Бұдан бөлек, бүгінде еуразиялық интеграция аясында елімізде кәсіпкерлікке мемлекеттік тұрғыда қолдау білдіру бағытындағы іс-қимылдар жандана түсті. Мәселен, «Бизнестің Жол картасы-2020» бағдарламасы бойынша қолдауға 77 763 кәсіпкер ие болып отыр. Жолдыбай Базар. Дереккөз: egemen.kz Фото: today.kz.