Министрдің айтуынша, шахта 1964 жылы пайдалануға берілген.
1978 жылы болған алғашқы апатта 4 жұмысшы қайтыс болды.
«1985 жылы – 2 адам қаза тапты, 1995 жылы – 2 адам жарақат алып, 13 адам қаза тапты, 1998 жылы – 1 адам қайтыс болды, 1999 жылы – 3 жұмысшы көз жұмып, 2 адам зардап шекті», деді Юрий Ильин.
Оның айтуынша, 2006 жылы орын алған апат салдарынан 41 адам қаза тапты.
Еске сала кетсек, бүгін, 3 қарашада Қарағанды облысындағы шахтада қайғылы жағдай орын алды. Апат кезінде жер астында 106 адам болған. Оның 101-і эвакуацияланды. Апат салдарынан 5 кенші қаза тауып, тағы 4 жұмысшы зардап шекті.
