«Қазіргі геосаяси жағдайда елдер технология жағынан бір-бірінен оқшауланып барады. Сондықтан түркі елдерінің IT саласындағы соңғы жаңалықтарына жіті назар аудару керек. Бұл біздің цифрлық дамуымызға жол ашады», деді Қ.Тоқаев.
Қазақстан Президенті таяуда Астанада «Digital Bridge» атты халықаралық іс-шара өткенін, онда ІТ саласында жұмыс істейтін креативті жастар озық идеяларын ұсынғанын жеткізді. «Мемлекеттеріміздің IT хабтары арасындағы өзара іс-қимыл туралы меморандумға қол қойылды. Осы ретте мен Астана хаб халықаралық технопаркі негізінде Түркі мемлекеттері ұйымының цифрландыру орталығын құруды ұсынамын. Бұл құрылым сауда, көлік, су ресурстары, ақпараттық қауіпсіздік және басқа да салаларға қажетті цифрлық шешімдер әзірлеуге мүмкіндік береді», деді Қ.Тоқаев.
