Еуразиялық интеграция шеңберінде өнеркәсіптік кооперациялар да дамиды

АСТАНА. 29 мамыр. Біз эконо­микалық одақ аясында өнер­кә­сіптік кооперацияларды да дамыта беретін боламыз. Алдағы уақытта еліміздің ірі бірлес­кен өндірістер құруына және өн­дірістік-кооперациялық тіз­бекті дамытуына жағдай жасалады. Үкімет басшысының бірінші орынбасары Бақытжан Сағынтаев осылай деді. Бұл туралы egemen.kz тілшісі хабарлады. Бақытжан Сағынтаевтың айтуынша, болашақта Еуразиялық экономикалық одақ біздің ірі кәсіпорындарымызға халық­аралық нарықта әлемдік өнді­ріс­шілермен бәсекеге түсуге мүмкін­діктер береді. Сондай-ақ, ол: «Қазақстанның 2016 жылға қарай халықаралық қағидаттарға негізделген ауыл шаруашылығына мемлекеттік қолдау көрсету есебінің жаңа әдіс­темесін әзірлеу туралы уағда­ластыққа қол жеткізгенін де атап өтпекпін. Қазақстан негізгі өткізу нарығынан шалғай жатқан және теңіз порттарына тікелей шыға алмайтын ел болып табы­лады. Осыған орай қазақстандық экспорт­тау­шылардың әріптес елдердің көлік инфра­құрылым­дарына қолжетімділігіне жол ашу біз үшін өте маңызды», – деді. Бұдан бөлек, Үкімет басшысының бірінші орынбасары Еуразиялық экономикалық одақ көліктік шығындарды қысқартуға, соған сәйкес қазақ­стандық өнімдердің үшінші елдер нарығындағы бәсекеге қабі­лет­тілігін арттыруға жағдай жасайтынын жеткізді. Жолдыбай Базар. Дереккөз: egemen.kz. Фото: nurotan.kz.