Игорь Шувалов: «Еуразиялық экономикалық одақ аппаратында қазақстандық әріптестеріміз лайықты орынға ие»

АСТАНА. 29 мамыр. Қосымшаларымен есептегенде Еуразиялық экономикалық одақты құру туралы келісім-шарттың көлемі 1000 бетке жуықтайды. Аталған құжат әріптес елдердің парламенттерінде ратифика­ция­лануы тиіс. Ресей Федерациясы Үкіметі басшысының бірінші орынбасары Игорь Шувалов осылай деді. Бұл туралы egemen.kz тілшісі хабарлады. Игорь Шувалов: «Еуразиялық экономикалық комиссияны Еуразиялық экономикалық одақтың нақты іс жүргізетін органы ретінде нығайту жөнінде бірлескен жұмысты жалғастыруға тиіспіз. Қазақстан тарапының Ко­миссия аппаратындағы «өз пози­цияларын күшейтуге» ұмты­лысына өте қызыға қарай­мын. Кейде бұл жөнінде біз Бақытжан Са­ғынтаевпен айтысып та қаламыз, бірақ қағидатты түрде алғанда қазақстандық әріптестеріміздің одақ аппаратында лайықты орын­дарды барынша көбірек ием­денуге деген ұмтылысы мені қуантады», – деді. Бұдан бөлек, ол ағым­дағы шешімдердің көпшілігі қабылданатын Кеңестің мәжіліс­тері жүйелі түрде өткізіліп тұруы тиіс екенін де атап өтті. Жолдыбай Базар. Дереккөз: egemen.kz Фото: eurasioncommission.org.