Еуразиялық экономикалық одақ қауіпсіздікті нығайтады

АСТАНА. 30 мамыр. Еуразиялық экономикалық одақ тұрақтылықты нығайтады әрі әлеуметтік-экономикалық жаңғыртуға мүмкіндік береді. Ш.Уәлиханов атындағы Көкшетау мемлекеттік университетінің филология ғылымдарының докторы, профессор Ольга Анищенко осылай деді. Бұл туралы «ҚазАқпарат» хабарлады. Ольга Анищенко: «Біз елдік дамудың жаңа бір сатысына көтеріліп, әлемдік экономикалық кеңістікке шығуға қол жеткіздік. Елбасымыз 20 жыл бұрын еуразиялық одақ құру жөнінде бастама көтерген. Мұны әлемнің ірі саясаткерлері де қолдап отыр. Шетелдік саясаткерлердің пікірінше еуразия халықтары бір-бірімен бәсекелес болған емес, қайта жаһандык жетістікке жету үшін өзара мүдделес болып отырғанын көрсетуге болады», – деді. Сондай-ақ, ол еуразиялық мемлекеттерді интеграциялаудың басты мақсаты – тұрақтылық пен қауіпсіздікті нығайту екенін сөз етті. Жолдыбай Базар. Дереккөз: «ҚазАқпарат». Фото: news.headline.kz.