Президент • 08 Желтоқсан, 2022

Мемлекет басшысы Мәжіліс төрағасын қабылдады

85 рет көрсетілді

Президентке Парламент Мәжілісінің спикері палатаның VII шақырылымының үшінші сессиясы аясында атқарып жатқан заң шығару жұмыстары туралы баяндады, деп хабарлайды Egemen.kz.

Қазіргі кезде азаматтардың төлем қабілетін қалпына келтіру және олардың банкроттығы, қоғамдық бақылау, тұрғын үй саясатын реформалау туралы, сондай-ақ денсаулық сақтау саласына және қоғамдағы басқа да өзекті мәселелерге қатысты заң жобалары депутаттардың қарауында жатыр.

Ерлан Қошанов Қасым-Жомарт Тоқаевқа Мәжіліс пен қайта құрылған Жоғары аудиторлық палата арасындағы өзара іс-әрекет механизмдері туралы мәлімет берді. Енді Парламент мүшелері орталықтан бастап нақты аудан, қала, ауылға дейінгі бөлінген бюджет қаржысын толық бақылай алады. Бұл барлық қаражаттың мақсатты жұмсалуы мен тиімділігін сараптауға мүмкіндік береді.

Сондай-ақ спикер Мәжіліс жанынан құрылған Қоғамдық палатаның жұмысы туралы айтты. Оның құрамына депутаттар, сарапшылар, саяси партиялардың, үкіметтік емес ұйымдардың өкілдері кірді. Қоғамдық палатада әзірленіп жатқан заң жобаларын қоғамның сұранысы мен талап-тілегі тұрғысынан тұрақты түрде талқылау жоспарланып отыр.

Мемлекет басшысына Парламенттің төменгі палатасы жанындағы Қоғамдық қабылдаудың жұмысы туралы есеп беріліп, Мәжілістің қоғамға ашықтығын арттыру жөніндегі жобалары таныстырылды.

Соңғы жаңалықтар

ЖСДП үміткерлерін анықтады

Саясат • Бүгін, 00:08

Ұлт үмітін ақтаған

Руханият • Кеше

Икемді бағам режімі

Қаржы • Кеше

Әбе

Әдебиет • Кеше

Enbek.kz бәрін жеңбек

Қоғам • Кеше

Келешектің инновациялық бағдары

Бағдарламалар • Кеше

«Хат қоржын»

Егемен Қазақстан • Кеше

Әбігерге түсірген толассыз жауын

Төтенше жағдай • Кеше

Баукеңнің көп қыры

Әдебиет • Кеше

Ұқсас жаңалықтар