Динара әлем чемпионатының күміс жүлдесін олжалағанға дейін төрт турда тең ойнап, кейінгі алты партияда жеңіске жетті. Турнир барысында отандасымыз әлемнің ең мықты шахматшыларының бірі ресейлік Александра Горячкинаны жеңгенін айта кеткен жөн. Естеріңізде болса, осыдан тура бір жыл бұрын Польша астанасы – Варшавада өткен әлем чемпионатында 18 жастағы отандасымыз Бибісара Асаубаева да шахматтың рапид түрінен күміс жүлдеге ие болған еді.
Өз елімізде тұңғыш рет өтіп жатқан шахматтан әлем чемпионатының рапид түрінен сынға түскен өзге қыздарымыздың нәтижесіне тоқталар болсақ, Жансая Әбдімәлік 5-сатыдан көрінсе, Алуа Нұрманова – 23, Әмина Қайырбекова – 26, Бибісара Асаубаева 29-орыннан көрінді.
