Бұл туралы бүгін McDonald's-тың Қазақстандағы баспасөз қызметі хабарлады.
«Қызметтің қайта жандануы мен мейрамханалардың жаңа атаумен ашылу мерзімі жақын арада белгілі болады», деп хабарлады McDonald's баспасөз қызметінен.
Қазақстандағы McDonald's брендімен аталған алғашқы мейрамхана 2016 жылы ашылған еді. Кейін Алматы, Астана, Атырау, Ақтөбе, Қостанай, Қарағанды қалаларында McDonald's-тың 24 мейрамханасы ашылып, 2000-ға жуық адамды жұмыспен қамтамасыз етті.
Бұған дейін 2022 жылдың 18 қарашасынан бастап Қазақстандағы McDonald's («Food Solutions KZ» ЖШС) өзінің барлық мейрамханаларының жұмысын уақытша тоқтататынын хабарлап, мейрамханалардың ашылу мерзімі әлі белгісіз екенін атап өтті.
