Коммуналдық инфрақұрылымды дамыту басқармасы хабарлағандай, «Алматы тазалық» жолдағы көктайғақты жою үшін жолдар мен тротуарларды арнайы материалдармен себуді ұйымдастырған.
Әкімдік апат салдарын бүгін жоюға уәде берді.
«Су төгілген жерлерде көктайғақ пайда болуына байланысты жүргізушілерді жылдамдықты төмендетуге, автомобильдер арасындағы қашықтықты арттыруға және су басқан учаскелерде абай болуға шақырамыз. Көрсетілген учаскелерді айналып өту үшін қозғалыс бағытын құруды ұсынамыз. Жаяу жүргіншілерден тротуарларда жүргенде сақ болуды сұраймыз», делінген хабарламада.
