64,4 млн картаны бүкіл қазақстандыққа бөлер болсақ, сәбилерді қоса есептегенде әр тұрғынға екі банк картасынан тиесілі болып шығады. Ал экономикалық белсенді халыққа шаққанда – үш және одан да көп картадан тиесілі.
«Осыдан бірнеше жыл бұрын Gold/Platinum класындағы карталар кез келген адам үшін қолжетімді емес еді. Ал қазір азаматтарымыз үшін премиум сегменттегі карталардың (Visa Infinite / Mastercard World Elite / Union Pay Diamond және басқалар) өзі таңсық емес. Мұндай кластағы карталарды елімізде 8 екінші деңгейлі банк ұсынады», дейді Ranking сарапшылары.
Нарықтағы 4 банк қана металл карталарын айналымға шығарған. – Altyn Bank, Jusan Bank және «Банк ЦентрКредит» Visa Infinite металл картасын ұсынса, «Еуразиялық банк» клиенттері Visa Infinite мен Mastercard World Elite арасында таңдау жасай алады.
«Тек Altyn Bank 7 млн теңгеге дейінгі шекті сомасы әрі кредиттік әрі дебеттік жан-жақты карта ұсына алады. Банктің кез келген клиенті премиум карта аша алады. Төрт банкте де металл карта ашқаны үшін ұсталатын комиссия көлемі – 30 мың теңге. Жылдық қызмет көрсету бойынша ең тиімді шарт та Altyn Bank-те: айына 2,5 мың теңге немесе жылына 30 мың теңге. «Банк ЦентрКредит» пен Jusan Bank-тің қызмет көрсету құны айына – 10 мың, жылына 120 мың теңгеге шығады. «Еуразиялық банктің» қызмет көрсету шартындағы комиссия бағасы – жылына 240 мың теңге», делінеді Ranking шолуында.
Altyn Bank-тің VIP-клиенттері және осы банк картасы арқылы жалақы алатын азаматтар үшін кез келген банкоматтан ақша шешіп алу комиссиясыз жүзеге асырылады. Қарапайым клиенттер бұл банктің картасы арқылы 1 млн теңгеге дейін қаражатты комиссиясыз шеше алады. Одан әрі қарай комиссия – соманың 1 пайызын құрап отырады.
«Банк ЦентрКредиттің» ел аумағындағы барлық банкоматтарындағы комиссиясыз берілетін шекті сома – 3 млн теңге. Одан әрі қарай алынған соманың 1 пайызы ұсталады. «Еуразиялық банкте» өз желісі бойынша шекті сома – 5 млн, басқа желілер (басқа банктердің банкоматынан алынса) бойынша 2 млн теңге деп бекітілген. Jusan Bank-тің шекті сомасы – 1 млн теңге. Одан асса – 1 пайыз комиссия күшіне енеді.
