Оқиға Маржанбұлақ ауылында болған.
«Биылғы жылдың 23 қаңтарында сағат 17:40-та «112» пультіне Ақтөбе облысы, Алға ауданы, Маржанбұлақ ауылында, Шәмші Қалдаяқов көшесінің бойында жеке тұрғын үйде газ жарылғаны туралы хабарлама түскен. Оқиға орнына Төтенше жағдайлар департаментінің 2 техникасы мен 4 қызметкері шықты. Жарылыс салдарынан төрт адам зардап шекті, олар облыстық көпсалалы аурухананың травматология бөліміне жеткізілді. Қаза тапқандар жоқ», деп хабарлады ТЖД баспасөз қызметінен.
Зардап шеккендер 9-дан 19 пайызға дейін әртүрлі дәрежеде күйік алған. Қазіргі таңда олардың жағдайы тұрақты деп бағаланды.
