Еркеғали Рахмадиев атындағы Мемлекеттік академиялық филармония мен симфониялық оркестр көрермендерді әлемдік және отандық музыка классикасының жарқын туындыларымен таныстыратын «VIVA MUSICA!» топтамасынан кезекті концерт ұсынды.
Кеш бағдарламасында Еркеғали Рахмадиевтің «Дайрабай» симфониялық күйі, Алмас Серкебаевтың «Шалқыма» симфониялық поэмасы, Арам Хачатурянның Лопе де Веганың «Валенсианская вдова» комедиясына сюитасы және Оркестрмен скрипкаға арналған шығармасы бар. Кеш қонағы – «Дарын» мемлекеттік жастар сыйлығының лауреаты, скрипкашы Жібек Мүсірғалиева.
«…Мен музыканы бақытқа кенелген шағымда жаздым. Оған қоса ұлымның дүниеге келгенін күтіп жүргенмін. Бұл шабыттанған күйімнің арқасында өмірге деген құштарлығым музыкаға айналды», деп еске алды КСРО халық әртісі Арам Хачатурян.
Филармония көрермендері А.Хачатурянның шығармаларынан бөлек қазақ музыкасының інжу-маржандары саналатын жарқын шығармаларды да тыңдайды. Еркеғали Рахмадиевтің «Дайрабай» симфониялық күйін музыкатанушылар қазақ өнерінің биік туындысы деп бағалайды. Ал Алмас Серкебаев оркестрлік «Шалқыма» пьесасын халық композиторы Жантөренің аттас күйінің тақырыбына жазған. Тегеурінді туынды кең өрісімен, еркіндігімен тыңдарманды баурап алады. Бас дирижер – «Дарын» мемлекеттік жастар сыйлығының лауреаты Қалқаман Дүйсембаев.
Қазақстанда запастағы офицерлер әскери қызметке шақырылады
Әскер • Бүгін, 10:27
Латын әліпбиіне көшетін түркітілдес елдерге қолдау көрсетіледі
Қоғам • Бүгін, 10:12
«Нурикамал» әнінің шығу тарихы
Өнер • Бүгін, 10:03
Еліміздің екі қаласында ауа сапасы нашарлайды
Экология • Бүгін, 09:55
Алматы тауларында адасып кеткен туристер құтқарылды
Қоғам • Бүгін, 09:45
Алматыдағы танымал фастфуд дүкені өртенді
Қоғам • Бүгін, 09:30
Ұқсас жаңалықтар
Онлайн 
