Әлем • 31 Қаңтар, 2023

Пәкістандағы жарылыстан қаза тапқандардың саны 72-ге жетті

203 рет
көрсетілді
2 мин
оқу үшін

Пешавар қаласындағы мешітте болған лаңкестік әрекеттен қаза тапқандар саны 72-ге дейін өсті, деп хабарлайды, Egemen.kz.

Пәкістандағы жарылыстан қаза тапқандардың саны 72-ге жетті

Полицияның мәліметінше, жарылыс мешіттің орталық залында сағат 13.00-де болған. Қауіпсіздік қызметкерлерінің айтуынша, терорист намаз кезінде өзін-өзі жарып жіберген. Сахибзада мешітінің имамы Нұр ул Амин де жарылыстан қаза тапқан.

Шабуыл үшін жауапкершілікті тыйым салынған «Техрик-и-Талибан Пәкістан» (ТТП) тобы өз мойнына алған.

Пешавардағы полиция бекетінің аумағындағы мешіттегі жарылыс құрбандарының саны 72 адамға дейін өскен. Құтқарушылар үйінді астынан тағы тоғыз мәйітті алып шыққан.

Уақытша бас министр Мұхаммед Азам Хан 31 қаңтарды провинцияда шабуылға байланысты аза тұту күні деп жариялады. Мемлекеттік ту бүкіл жерде түсіріледі. Уақытша үкімет басшысы зардап шеккен отбасыларға көмек көрсетілетінін айтты.

«Шабуылға байланысты тергеу істері жалғасып жатыр. Біз жанкештінің қайдан шыққанын және оның қалай кіргенін білмейміз. Полиция бөлімшелерінің ішінде отбасылық үйлер бар және шабуылдаушы бұл аймақта тұрып жатқан болуы мүмкін», деді Хайбер-Пахтунхва провинциясының полиция бас инспекторы Моаззам Джах Ансари.

Кварталдың бас инспекторы берген хабарламаға сәйкес, қонақтардың Пешавар полиция бөлімшелеріне кіруіне тыйым салынды және тәртіп бұзылған жағдайда қатаң шаралар қабылданады.

Аурухананың баспасөз хатшысы Рединг Мұхаммед Асим жарылыстан кейін 157 жараланған адам медициналық мекемеге жеткізілгенін хабарлады.

«44 адамның денесі де ауруханаға жеткізілді. Қазіргі уақытта зардап шеккендердің 65-ке жуығы Рединг ауруханасында емделіп жатыр. Олардың кейбіреулерінің жағдайы өте ауыр, ал көпшілігінің жағдайы жақсарып келеді», деді Мұхаммед Асим. Жараланғандар мен қаза тапқандардың көпшілігі полиция қызметкерлері.

Бұдан бұрын Пешаварда мешіттегі жарылыстан 30-дан астам адам қаза тапқаны туралы хабарланған болатын.

Айтолған ЖҮНІСХАН,

Л.Н. Гумилев атындағы ЕҰУ студенті

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024