![Бес өңірдегі Президент резиденциялары балалар игілігіне беріледі](/media/2023/02/08/5f6d6545a017a070660571-1024x576.jpg)
Бұған дейін желіде Мемлекет басшысының бес қаладағы резиденциялары балалардың игілігіне берілетіні туралы ақпарат пайда болды, ал жергілікті әкімдіктер бұл ғимараттарды балабақша не сауықтыру орталықтары не балаларға арналған басқа да орталықтар ретінде падаланатынын өздері шешеді.
«Мемлекет басшысының тапсырмасы орындалады. Қазіргі уақытта беру механизмі және ғимаратты мақсатты пайдалану мәселесі пысықталып жатыр. Шешімді қосымша хабарлаймыз», деп хабарлады Қостанай облысының әкімдігі.
«Әрі қарай біз нысанды балаларға қажет нәрсенің бәрімен жабдықтаймыз. Қысқа мерзімде тапсырманы орындаймыз», деді облыс әкімі аппараты басшысының орынбасары Ержан Байтанаев.
Әлі нақты шешім шықпаса да, Жамбыл облысы әкімінің орынбасары Еркін Үйсімбаевтың сөзінше, Президент резиденциясы мүгедек балаларға арналған санаторий немесе жазғы лагерь ретінде пайдаланылады.