Білім • 27 Ақпан, 2023

Қасым-Жомарт Тоқаев қызылордалық студентке хат жолдады

470 рет
көрсетілді
1 мин
оқу үшін

Мемлекет басшысы Қорқыт ата атындағы Қызылорда университетінің студенті Ақжайық Тәжіге хат жолдады, деп хабарлайды Egemen.kz Ғылым және жоғары білім министрлігінің баспасөз қызметіне сілтеме жасап.

Қасым-Жомарт Тоқаев қызылордалық студентке хат жолдады

Ел Президенті жолдаған хатта: «Құрметті Ақжайық! Сенің жетістіктеріңе риза болдым. Еліміздің болашағы өзің сияқты белсенді әрі талапты жастардың қолында екені анық. Мемлекет өскелең ұрпақтың білім алуына барлық жағдай жасап келеді. Осы мүмкіндікті тиімді пайдаланып, көп оқып, тынбай іздену өте маңызды. Оқуды жақсы бітіріп, мықты маман болуыңа және ел игілігіне қызмет етуіңе тілектеспін!», деп жазылған.

Ақордадан келген Президенттің хаты мен сыйлығын студентке Қызылорда облысы әкімінің орынбасары Нұрымбет Сақтағанов тапсырды.

Айта кетейік, студент Ақжайық Тәжі Президенттің жастарға көрсетіліп отырған қолдауы үшін алғыс айтып, хат жазған. Мемлекет басшысының қолдауымен жүзеге асып жатқан жобалар нәтижесінде Ақжайық Тәжі халықаралық, республикалық деңгейдегі жетістіктерге қол жеткізген.