Мұхиттың арғы бетіндегі доданың алғашқы айналымында жерлесіміз турнирдің іріктеу сайысында жеңімпаз атанған, дүниежүзілік рейтингте 175-орында тұрған тайпэйлік Ву Тун Линмен шеберлік байқасты. Екі теннисші де кездесуді жақсы бастады. Александр допты ойынға қосқан жетінші геймде Ву Тун брейк жасап, 4:3 есебімен алға шықты. Кейінгі екі геймде де сәтті ойнаған тайпэйлік теннисші бұл сетті өз пайдасына жазды – 6:4. Екінші кезеңде де дәл сондай жағдай қайталанды. Бублик үшінші геймде қарсыласына брейк жасауға мүмкіндік беріп қойды – 2:1. Ву Тун Лин матч соңына дейін басымдығын сақтап, бұл жолы да 6:4 есебімен жеңіске жетті.
Қыздар арасында бақ сынайтын Юлия Путинцева бүгін алғашқы айналымда дүниежүзілік рейтингте 76-орында тұрған чехиялық Каролина Муховамен шеберлік байқасады. Ал жарысты екінші айналымнан бастайтын әлемнің 10-ракеткасы Елена Рыбакина алғашқы кездесуін Слоан Стивенс пен Софья Кенин жұбының жеңімпазымен өткізеді. Жұптық сында ел намысын жуырда ғана елордада өткен турнирдің жеңімпазы Анна Данилина қорғайды.
