Көптен күткен жарыс

Астанада жыл сайын футболдан жасөспірімдер арасында өтетін «Қазақстан Республикасы Президентінің кубогы» турнирі басталды. Оған «А» және «В» тобына бөлінген 6 елдің құрама командалары қатысуда. Қазақстан жасөспірімдер жасағы «А» тобында Грузия және қырғызстандық құрдастарымен кездессе, келесі топта Испания, Әзербайжан мен Тәжікстан құрамалары күш сынасады. Кеше турнирдің алғашқы күні Тәжік­­­стан мен Әзербайжан командалары кездесті. Бұл матчта тәжік жастарының жолы болып, қарсыласын 2:1 есебімен ұтты. Турнирдің тұсаукесер ойынында Мирожиддин Холовтың шәкірттері ­Ап­шерон түбегінің өкілдеріне қара­ған­­да қы­зықты және тартысты ойын өрне­­гін көр­сетті. Олар матч бойы ойын тізгі­нін өз ба­қылауларында ұстап, қарсылас­тар қақпасына 90 ми­нут бойы қауіп төн­діріп отыр­­ды. Енді тәжіктер Испания­мен кездеседі. «А» тобындағы кездесулердің де қы­зықты өтетінін айта кету керек. Бұл жерде біздің командаға Грузия жасағы ең басты қарсылас болайын деп тұр. Деген­мен, кімнің күшті екенін «Астана-Аренаның» көкмайса алаңында көретін боламыз. Дастан КЕНЖАЛИН, «Егемен Қазақстан».