Мүшәйра мәреге жетті

Елордада Астана қаласы әкім­дігі қала күнінің құрметіне осы­мен төртінші рет өткізіп отыр­ған дәстүрлі мүшәйра өз мәре­сіне жетті. Биылғы «Мәңгілік Ел – ұлт мұраты» айдарымен жа­рияланған жыр бәйгесіне еліміз­дің түкпір-түкпірінен, Қытай Халық Республикасынан, Моң­ғолиядан 60-тан астам ақынның шығармалары келіп түскен еді. Мәңгілік Ел тақырыбы – отан­шыл­дық, ұлттық рухтың мерейін асыратын, елдікке, бірлікке үндейтін, жас ұрпақтың жігерін жанып, намысын қайрайтын, туған ел мен туған тілге деген сүйіспеншілігін оятатын тұғырлы да ғұмырлы тақы­рып. Бәйгеде бағын сынаған ақын­дардың берілген тақырыпты терең­нен қозғап, кеңінен қамтып жыр­лауға барын салғандығы бай­қалады. Әсіресе, биылғы мүшәй­рада Елбасының Мәңгілік Ел ұлт­тық идеясына белсене үн қос­қан­ Арман Шеризатов, Ақсүйрік Із­­­мұқанова секілді жаңа есім – жас ақын­дар қатарының көп болуы қуан­тады. Сондай-ақ, қарағандылық Аб­зал Бөкен, Ілияс Мұқаев, жез­қаз­ғандық Кенжебай Ахметов, алматылық Рафаэль Ниязбеков, астаналық Талғат Ешенұлы сияқты танымал ақындар да өз биіктерінен көріне білді. Жалпы алғанда, ел тәуелсіздігін, ұлт бола­шағын, халқымыздың азаттық жолындағы ерлік тарихын, жаңа заманның жарқын келбетін өлең­мен өрнектеп, Елбасымыз өз қо­лымен орнатқан Астананың жыр-­шежіресін жасауды мақсат ет­кен мүшәйра діттеген жеріне жетті. Академик, Еуразия ұлттық университеті филология кафе­дра­сының меңгерушісі  Сейіт Қас­­­қабасов төрағалық еткен, құра­мын­да жазушы, Мемлекеттік сый­лық­тың лауреаты Қойшығара Сал­ғараұлы, ақын, Мемлекеттік сый­лықтың лауреаты Несіпбек Айт­ұлы, халықаралық «Алаш» сый­лығының иегері Серік Ақ­сұң­қарұлы, ақын, «Тұмар» жур­налы­ның бас редакторы Оңайгүл Тұр­жан бар қазылар алқасы мүшәй­раға түскен шығармаларды мұқият оқып, сараптап, саралап, ақылдаса келе төмендегідей шешім шығарды: Бас жүлде – темір тұлпарды семейлік жас ақын Арман Шери­затов тақымына басты. Бірінші орынды (1 миллион 500 мың теңге) алматылық талантты қызымыз Ақсүйрік Ізмұқанова қанжығасына байлады. Екі екінші орынды (800 мың теңгеден) қарағандылық  қос ақын – Абзал Бөкен мен Ілияс Мұқаев иеленді. Үшінші орынға тігілген үш жүлдені (400 мың теңгеден) халықаралық «Алаш» сыйлығының иегері, алматылық Рафаэль Ниязбеков, жезқазғандық  Кенжебай Ахметов және астаналық Талғат Ешенұлы өзара бөлісті. Бес ынталандыру сыйлығын (150 мың теңгеден) моңғолиялық қарт ақын Шынай Рахметұлы, алматылық Батық Мәжитұлы, Қытай Халық Республикасының азаматы Серік Түсіпханұлы, ақтөбелік Балтабек Нұрғалиев, аягөздік жас талапкер Біржан Ахмер еншіледі. Сондай-ақ, Еуразия ұлттық университетінің ректоры Ерлан Сыдықов, Астана қалалық тіл басқармасының бастығы Ербол Тілешев,  елордадағы «Фолиант» баспасының директоры Нұрлан Исабеков тағайындаған үш арнайы сыйлық (100 мың теңгеден) астаналық Бақытжан Тобаяқовқа, шымкенттік Жарылқасын Бо­ранбаевқа, ақтөбелік Гүлжайнар Қалдинаға бұйырды. Жүлде алған және мүшәйра қоржынына келіп түскен шығар­малардың таңдаулылары жыл аяғына дейін жеке кітап болып басылады. Марапаттау рәсімі Астанадағы «Конгресс-холл» сарайында 1 шілде күні кешкі 18.00 сағатта өнер жұлдыздарының қатысуымен өтеді. Серікхан Сабырбеков, С.Сейфуллин мұражайы директорының орынбасары, қазылар алқасының жауапты хатшысы. Астана.