Жанқошқа жанкүйер болайық!

Бірінші жартылай орта салмақта өнер көрсетіп жүрген Ацтектер елі өкілінің жасы – 32-де. Ол 2011 жыл­дан бе­рі кәсіпқойлар арасында жұдырықтасуда. Сол кезден бері 21 жекпе-жек өткізіп, 16 рет жеңіске жетті. Тоғыз қарсыласын есінен тандырды. Өзі үш мәрте нокаутқа түсті. Кейінгі екі жылда төрт рет шаршы алаңға шығып, бар­лық бәсекеде басымдық танытты. Осыдан дәл бір жыл бұрын Менесес ұлыбританиялық Сэм Максвелді техникалық нокаутпен жеңіп, IBO World Super Lightweight нұсқасының алтын белбеуін иеленді.

Жанқош Тұраров та 32 жаста. Оның спорттың осы түрін серік ет­кеніне 14 жылға жуықтады. Сол ара­­­лықта 26 рет рингке көтеріліп, қар­сыластарының барлығын қо­ғадай жапырды. 19 жекпе-жекті мер­зі­мі­нен бұрын аяқтады. Жан­қоштың IBO Intercontinental нұс­қасының чем­пионы деген атағы бар.

Күні кеше «Алматы Аре­на­да» өтетін дәл осы жарыста жұ­­дырықтасатын боксшылардың есімдері белгілі болды. Тағы бір басты жекпе-жекте Бекман Сой­лыбаев (15-1, 6 КО) күш сынасады. Оның қарсыласы – Женел Лауса. 34 жастағы Филиппин бокс­шысы осыған дейін 12 кез­десу өткізіп, соның бірде-бі­реуінде жеңілген жоқ. Ол жеті қар­­сыласын есінен тан­дырды. Бұл бәсекеде жартылай жеңіл сал­мақтың алтын белбеуі сарапқа салынады. Ал өзге жекпе-жектер мына былғары қолғап шеберлері арасында өтеді: Абылайхан

Құ­сайы­­­нов – Зухриддин Хам­ро­­кулов (Өз­бекстан), Жолдас Же­­ңі­сов – Асадбек Мамажонов (Өз­бекстан), Дәурен Елеусінов – Ба­хром Паязов (Өзбекстан), Ел­хан Табынбаев – Малхаз Суд­жашвили (Грузия), Адлан Сел­мұр­з­аев – Азамат Бел­ғожин, Жан­дос Қыдыралиев – Рус­лан Берчук (Ресей), Әлихан Тү­лен­баев – Мақсат Ос­монов, Нұр­жан Серікбаев – Бая­ман Әлім­беков, Ба­уыржан Бейіл­динов – Нұр­сұлтан Смайыл және Балауса Мұз­диман – Зухра Исраилова.