Өзекті мәселелер талқыланды

Кеше Астанада Бас прокурор Асхат Дауылбаевтың Жемқорлыққа қарсы органдары халықаралық қауым­дастығының Бас хатшысы, Қытай Халық Республикасы Жоғарғы Халық прокуратурасы Қудалау комитетінің мүшесі Йе Фенгпен кездесуі өтті. Бас Прокурор қонақты прокуратура органдары қыз­ме­тінің басым бағыттары, Қазақстанның сыбайлас жемқор­лық­пен күрес саласында қолданып отырған нақты шаралары жөнінде хабардар етті. Ол сыбайлас жемқорлыққа қарсы күресті мемлекеттік саясаттың басым бағыттарының бірі екенін атап көрсетті. Елімізде сыбайлас жемқорлыққа қарсы заңнаманы жетілдіру бойынша ауқымды жұмыстар жүргізілуде, сыбайлас жемқорлық көріністеріне қарсы тұруға бағытталған шаралар қабылдануда. Тараптар сыбайлас жем­қорлыққа тосқауыл қоюдың өзекті мәселелері бойынша пікір алмасты. Йе Фенг болып өткен кездесудің маңыздылығын айтып, жемқорлықпен кү­рес саласындағы белсенді өзара ықпалдастыққа риза­шылы­ғын білдірді, – деп хабарлады Бас прокуратураның баспасөз қызметі.