Астана күнінде «Шығыс базары» ұйымдастырылады

АСТАНА. 27 маусым. Елорда күні, яғни, 6 шілдеде қала тұрғындары мен қонақтары үшін «Шапағат» коммуналдық базарының аумағында «Шығыс базары» қызмет көрсетеді. Бұл туралы astana.kz хабарлады. Хабарламада жазылғандай, бұл қазіргі таңдағы базарлардай емес, мұнда халықтық дәстүр молынан көрініс таппақ. Әсіресе, түрлі дәмдеуіштер қосылған тағамдар, дүкеншілердің өз тауарын көруге шақырған айқайы және тағы басқа да жағдаяттар ерекше ахуал қалыптастырмақ. Бұдан бөлек, «Шығыс базарында» түрлі сәндік бұйымдар, киім-кешек пен аксессуарлар, азық-түлік пен кітап, кілем, үй жиһаздары сатылымға шығарылады. Аталған базар сағат 09.00-ден 19.00-ге дейін жұмыс істейді. Жолдыбай Базар. Дереккөз: astana.kz. Фото: astana.kz.