Егемендіктер еңбегі еленді

Егемен еліміздің еңсесін көтеріп, мемлекеттің сындарлы саясатын жүзеге асырып жүрген жандардың осы бағыттағы ерен еңбектерін тарихқа маржандай тізіп қалдыруда БАҚ өкілдерінің алар орны ерекше. Ал оларды марапаттау кәсіби төл мерекесі – Байланыс және ақ­па­рат қызметкерлері күні қар­саңында өтуде. Осындай қалам ұс­та­­ған қауымның арасында қазақ бас­­пасөзінің қарашаңырағы  – рес­пуб­ликалық «Егемен Қазақстан» га­зетінің бірқатар журналистері де бар. Қазақстан Журналистер одағы сыйлығының биылғы лауреаттары қатарында басылымның  Ақ­мола облысындағы меншікті тіл­шісі Бақберген Амалбек те бар. Сон­дай-ақ, Мәдениет министрлігі Тіл комитетінің «Мемлекеттік тіл жә­не БАҚ» номинациясы бойын­ша бірінші орынды Қостанай об­лы­сындағы меншікті тілші  Нәзира Жәрімбетова иеленді. Қазақстан халқы Ассам­блея­сының Төрағасы Нұрсұлтан Назар­баев­тың Құрмет грамотасымен еліміздегі ұлтаралық келісім мен тұрақтылықты нығайтуға, Ота­нымызға деген патриоттық сезімді қалып­тастыруға қосқан үлестері үшін бас редактордың орынбасары Самат Мұса, ал Алғыс хатымен  тілші Ләйла Тілеубаева марапатталды. «Бас редакторлар клубы» қо­ғам­дық бірлестігі дайындаған «Еу­ра­­зияның алтын қаламы», «Қазақ­станның үздік редакторы», «Қа­зақ­станның үздік журналисі» төс­белгілерімен де бірқатар журналистер марапатталды. Олардың қатарында қос шолушы, әріп­тес­теріміз Әлисұлтан Құланбай мен Александр Тасболатов та бар. «Еуразияның алтын қаламы» меда­лін Ә.Құланбай омырауына тақса, А.Тасболатов «Қазақстанның үздік журналисі» атанды. «Ақпарат саласының үздігі» төсбелгісін үш бірдей әріптесіміз омырауларына тақты. «Егемен Қазақстанның» экономикалық шолушылары  Сұңғат Әліпбай мен Жылқыбай Жағыпарұлы және атал­ған басылымда ұзақ жылдар қыз­мет етіп, еңбек демалысы­на шық­қан қазақ баспасөзінің ардагері Жа­малдын Ахметов саланың үз­діктері деп танылды. Сонымен қа­тар, Байланыс және ақпарат агент­тігінің  Құрмет грамоталарын тілші Ләйла Тілеубаева мен қызмет­кер­лер Тұрсын Есілбаева және Дина Дәуіт еншіледі. Сондай-ақ, осы жол­дар­дың авторы да Ұлт­тық ға­рыш агенттігінің арнайы алғыс хатын алды. Жалпы, журналистиканың жел­кенін есуде, әсіресе, газет-журнал саласында фотожурналистиканың алар орны ерекше. Бұл тұрғыда фототілшілер еңбектері де еленіп келе жатыр.  Мәдениет министрлігі Мәдениет және өнер істері коми­тетінің толеранттылық пен қа­зақ­стандық патриотизмді нығайту идея­сына арналған «Қазақстан – достық бесігі» атты ІІ фотоконкурсында фототілші Ерлан Омаровтың бағы жанып, бірінші орын иегері болды. Өзіндік ой-қиялы мен кәсіби шеберлігін қатар ұштап жүрген Е.Омаров түсірген фотосуреттердің сын көздің талабынан шығып жүлде алуы әріптестерін бір қуантып тас­тады. Әріптестерімізді кәсіби төл ме­ре­келері қарсаңында алған жүл­де­лерімен құттықтап, оларға шалқар шы­ғармашылық табыстар тілейміз. Әбдірахман ҚЫДЫРБЕК, «Егемен Қазақстан».