Аймақтар • 25 Наурыз, 2023

Өскеменде КамАЗ тіркемесі жаяу жүргіншіні қағып кетті

154 рет көрсетілді

34 жастағы жүргізуші Өскеменде КамАЗ жүк көлігін біріктірілген тіркемемен айдап келе жатып, ақау салдарынан жүк тіркемесі ажырап кеткен. Ол кейіннен жол жиегінде кетіп бара жатқан тұрғынды қағып кеткен, деп хабарлайды Egemen.kz.

Polisia.kz мәліметінше, оқиға 24 наурыз сағат 16:30 шамасында болған. Жол-көлік оқиғасы салдарынан Семей қаласының 20 жастағы тұрғыны оқиға орнында қайтыс болды.

Осы фактіге қатысты ҚР ҚК 345-бабы 3-бөлігі бойынша сотқа дейінгі тергеп-тексеру басталды.

Қазір бірқатар сот сараптама тағайындалды, олардың нәтижелері бойынша іс жүргізу шешімі қабылданады.

Ұқсас жаңалықтар