АСТАНА. 30 маусым. Бүгін түнде Бразилиа қаласында Франция және Нигерия құрамалары арасында 1/8 финалдық ойын ойналып, ол француздардың 2:0 етіп жеңуімен аяқталды. Бұл туралы egemen.kz хабарлады.
Матч Франция құрамасы үшін оңайлыққа түскен жоқ. Нигериялықтар қарсыластарынан бір де төмен өнер көрсеткен жоқ. Екі команда бүкіл кездесу бойына кескілескен күрес жүргізді. Мұнда тіпті африкалықтардың допқа көбірек иелік етіп тұрғаны да анық байқалып тұрды.
Франция – Нигерия 2:0 (0:0).
30 маусым. Бразилиа. Ұлттық стадион. 67 882 көрермен. Төреші - Марк Гейгер (АҚШ).
Франция: Уго Льорис, Матье Дебюши, Рафаэль Варан, Лоран Косельни, Патрис Эвра, Поль Погба, Йоан Кабай, Блэз Матюиди, Матье Вальбуэна (Мусса Сиссоко, 90+4), Оливье Жиру (Антуан Гризманн, 62).
Нигерия: Винсент Эньеама, Эфе Амброуз, Джозеф Йобо, Джувон Ошанива, Кеннет Омеруо, Ахмед Муса, Оджени Онази (Рубен Габриэл, 59), Джон Оби Микел, Виктор Мозес (Уче Нвофор, 89), Питер Одемвингие, Эммануэль Эменике.
Голдар: Поль Погба (79), Джозеф Йобо (90+2-автогол).
Ескерту: Блэз Матюиди (54).
Дегенмен, ойында қақпаға қауіп төндірген сәттер де онша көп бола қоймады. Осының орайында француздардың өткірірек қимылдағандары да күмән туғызбады. Олардың қорғаныста барынша академиялық стильде ойнап, шабуылдағы әрекеттері жаттанды көрінгесін, нигериялықтар олардың беттерін ұдайы сәтті қайтарып отырды. Осыдан кейін Дидье Дешам тактикалық схеманы өзгертуге мәжбүр болды, Бұл Карим Бенземаны шабуылдың өткір шебіне шығарып, Антуан Гризманды сол қанатқа қойды. Ойынның қызып сала беруіне осы өзгеріс қатты әсер етті. Франция құрамасының жорықтары өктем де өткір бола түсті. Бұған қоса іс-қимылдың жұмбақтығы қарсы алаң бетінде нағыз дүрбелең туғызды. Есепті 79-минутта Поль Погба ашты. Ал келесі гол ойын аяқталып қалған шамада, 92-минутта соғылды. Оны нигериялық Джозеф Йобо өз қақпасына түсіріп алды.
Осылайша Франция ширек финалға беттеді. Ол енді 4 шілде күні Германия – Алжир командаларының жеңімпазымен кездеседі.
Дамир Қожамқұл.
Дереккөз: egemen.kz.
Фото: Sportbox.ru.
