Сәтті қадам

Көк аспанды бағындыру үстіндегі жастар талпынысы ізденіс пен білімді ұштастыра білді Балқаш маңындағы авиация оқу-жаттығу орталығында екі мәрте Кеңес Одағының Ба­тыры Талғат Бигелдинов атындағы Әуе қор­ғанысы күштері Әскери институты 3-курс сту­денттерінің ұшу тағылымдамасы аяқталды. Бір ерекшелігі болашақ авиаторлар ұшақты басқару техникасынан, нави­гациядан, жауынгерлік қолданудан, қарапайым және күрделі метеорологиялық жағдайларда ұшу-тактикалық және ұшу-әдістемелік даярлық оқу-жаттығу ұшу даярлығы бағдарламасын толық орындай алды. Курсанттар авиациялық орталық тәжірибелі нұсқаушыларының жетекшілігімен оқу материалдық табысты меңгеріп, ұшу-нұсқаушылар құра­мына өздерінің машықтану деңгейі мен білімдерін көрсете білді. Ұшу-тәжірибелік курсын қорыта келе біріккен эскадрильяның командирі 3-сыныпты ұшқыш майор Ермек Сейдахметов: «тек қажырлы еңбек пен жарғылық талап, ұшу шеберлігін зерделеудегі ынта-жігер ғана ұшу ісіндегі табыстың негізі болып табылады», – деп атап өтті. «Егемен-ақпарат».