Фестивальде балалар вокал бағытында «Жүрек жылуы» аталымында өнер көрсетті. «Таңшолпан» балалар үйінің тәрбиеленушісі Сергей Касьянов кішкентайлар арасында оза шауып, бәйге алса, ал орта жас санатында екінші орынды Татьяна Касьянова жеңіп алды. Татьяна да «Таңшолпан» балалар үйінің тәрбиеленушісі. «SOS Теміртау балалар ауылы» тобының мүшесі Ангелина Вострикова да жоғары жас санатында күміс жүлдегер атанды.
– Сергей фестивальде бірінші рет өнер көрсетті. Татьяна көптеген облыстық және қалалық байқаулардың лауреаты. Балалар 2 жылдан бері әнге ден қойып келеді. Жалпы, біздің орталықта 25 үйірме жұмыс істейді. Вокалдан басқа, би, футбол, қазақша күрес, домбыра және тағы да өзге үйірмелер бар, – дейді «Таңшолпан» балалар үйі директорының тәрбие жұмысы жөніндегі орынбасары Аян Кәрім.
Сондай-ақ «Ризамын халқыма!» театралды номинацияда «Жас орындаушы» атағы Осакаров ауданының Пионер балалар үйінің тәрбиеленушісі Ирина Жароваға берілді.
Фестиваль «Ризашылық – мейірімділік бұлағы» ұлттық мәдени-ағарту жобасы аясында өткенін атаған жөн.
Қарағанды
