Қоғам • 31 Наурыз, 2023

Ассамблея Петропавл қаласындағы арандатушылықты қатаң айыптайды

561 рет
көрсетілді
1 мин
оқу үшін

Петропавл қаласындағы арандатушылықтарға қатысты Қазақстан халқы Ассамблеясы «Народный Совет города Петропавловск» деп аталатын ұйымның атынан шыққан бір топ адамдардың арандатушылық мәлімдемесін қатаң түрде айыптайды, деп хабарлайды Egemen.kz.

Ассамблея Петропавл қаласындағы арандатушылықты қатаң айыптайды
«Біз, Қазақстан халқы Ассамблеясының өкілдері, Қазақстан Республикасының аумақтық тұтастығының мызғымастығын және оған ішкі және халықаралық заңнамамен кепілдік берілгенін мәлімдейміз.
 
Бұл әрекеттерді мемлекетіміздің конституциялық негіздеріне, қауіпсіздігіне, бірлігі мен тұрақтылығына қарсы бағытталған ел мүддесіне жасалған опасыздық деп бағалаймыз. Біз біртұтас халық ретінде қазақстандық қоғамда ешкімнің араздық пен сенімсіздік таратуына жол бермейміз», делінген Ассамблеяның әлеуметтік желідегі жазбасында.
 
Сондай-ақ жазбада мұндай арандатушылықтар аса жауапсыздықтың көрінісі және құзырлы органдар тарапынан қатаң түрде тиылу керек екені жазылған. Кінәлілер сот тәртібімен заң аясында жазаланатыны айтылған.
 
«Қазақстан халқы Ассамблеясы азаматтарды мұндай әрекеттерге бой алдырмауға және мызғымас бірлігіміз бен қоғамдық келісіміміздің негізі – халқымызға тән даналықты, төзімділікті, сенім мен өзара сыйластықты сақтауға шақырады. Қазақстан – біздің ортақ шаңырағымыз және біз қай жерде болсақ та сүйікті Отанымыздың өкілдеріміз, ал халықаралық қауымдастық бізді біртұтас әрі қуатты ұлт ретінде таниды.
 
Біз әртүрліміз, бірақ бірлігіміз әралуандылықта. Бұл қағидадан біз ешқашан ауытқымаймыз», делінген жазбада.