Игі жобалар ел игілігіне ұсынылды

АСТАНА. 2 шілде. Мемлекет басшысының қатысуымен өткен телекөпір барысында еліміз бойынша бірқатар жобалар іске қосылды. Бұл туралы egemen.kz тілшісі хабарлады. Президент рұқсат берісімен іске кіріскен бұл өндіріс орындары мен құрылыс жұмыстары ел экономикасын дамытуға сүбелі үлес қосады деп күтілуде. Сонымен, Мемлекет басшысы онлайн режімде іске қосқан жобаларды атап өтейік. Біріншіден, Президент «Қорғас -Шығыс қақпасы» арнайы экономикалық аймақтық құрғақ портын және Семейдегі «Солтүстік-Шығыс-Оңтүстік» электр қуатын беру желілерін  салуға «онлайн» режімінде рұқсат берді. Бұдан бөлек, телекөпір барысында мына төмендегі жаңа нысандар пайдалануға берілді. Бұрғылау қашаулары (PDC-қашаулары) зауыты (Атырау облысы), Химиялық реагенттер зауыты (Жамбыл облысы), Шар крандарын және жапқыш арматураны дайындайтын зауыт (Қарағанды облысы), Цемент зауыты (Маңғыстауоблысы), Энергетикалық қазандық жабдығын шығаратын «Петропавл ауыр машина жасау зауыты» акционерлік қоғамы (Солтүстік Қазақстан облысы), Қостанай қаласы үй құрылысы комбинаты, Шарпрокат орнағы зауыты (Павлодар облысы), Қоспажем зауыты (Көкшетау қаласы). Тағы бір тоқтала кетер жәйт, 2014 жылдың бірінші жартыжылдығында Индустрияландыру картасы шеберінде 21 жоба пайдалануға берілді. Соның нәтижесінде 2 мыңға жуық тұрақты жұмыс орындары құрылды. Ал екінші жартыжылдықта шамамен 100 жоба пайдалануға беріліп, жаңадан 8 мың тұрақты жұмыс орны ашылады деп күтілуде. Жолдыбай Базар. Дереккөз: egemen.kz. Фото: thenews.kz.