Каспий теңізінің жағалауында өткізілген байрақты бәсекеде Қазақстанның жастар құрамасы толық құрамда қатысып, 11 медаль жеңіп алды. Атап айтқанда, Ержан Ізтілеуов (52 кг), Тагир Сатаев (63 кг) және Жасұлан Бердалы (70 кг) өз салмақтарында үздік шықса, Игорь Соловьев (63 кг), Бекарыс Нұрмұхан (66 кг), Бексұлтан Қайратұлы (80 кг) финалда жеңіліп, күміс медальға ие болды. Ал Рамазан Орынбасар (50 кг), Асқар Қуаныш (63 кг), Мұхит Нұрқабыл (57 кг), Бақытжан Айтмұханов (75) және Аният Тілеужан (80 кг) халықаралық турнирдің қола жүлдегерлері атанды.
Жалпыкомандалық есепте 4 алтын, 3 күміс, 3 қола медаль олжалаған Ресей боксшылары топ жарса, Қазақстан құрамасы 11 жүлдемен екінші орынға ие болды. Ал үздік үштікті Әзербайжан боксшылары (3+1+13) түйіндеді. Сондай-ақ жарыс қорытындысы бойынша Данияр Ақбисенов «Ең жігерлі боксшы» атанды.
