Қоғам • 07 Сәуір, 2023

Қаңтар оқиғасына қатысы бар Сәбит Құрманиәлиев 6 жылға сотталды

280 рет
көрсетілді
1 мин
оқу үшін

Қаңтар оқиғасы бойынша айыпталған ҰҚК департаментінің бұрынғы басшысы 6 жылға бас бостандығынан айырылды, деп хабарлайды Egemen.kz.

Қаңтар оқиғасына қатысы бар Сәбит Құрманиәлиев 6 жылға сотталды

Алматы облысы ҰҚК бұрынғы басшысы өз өкілеттілігін асыра пайдаланғаны үшін сот шешімімен 332-бап, 4-бөлік бойынша 6 жылға бас бостандығынан айырылды. Сондай-ақ 10 жылға құқық қорғау органдарында жұмыс істеуге тыйым салынды.

Талдықорған қалалық соты Сәбит Құрманалиев Алматы облысы ҰҚК басшысы бола тұра, өзінің қызметтік міндеттерін елемей, 2022 жылғы 5 қаңтарда болған оқиғаларды ескере отырып, жеке құрамға ведомство ғимаратын қорғау жөнінде шаралар қолданбауға және әкімшілік ғимараттан кетуге заңсыз бұйрық бергенін анықтады.

Сонымен қатар ол ресми және құпия құжаттарды жоюға бұйрық берген. Осылайша ҰҚК департаментінің басып алынуына жағдай жасаған.