Фото: Айнұр Балакешованың facebook парақшасынан
Қайғылы оқиға 23 сәуір түскі уақытта болған. 112 қызметінің диспетчерлеріне бес қабатты үйде өрт шыққаны туралы хабар түскен.
«23 сәуір сағат 13:01-де Шахтинск қаласында Жеңіске 40 жыл көшесі, 79-шы үйде өрт шыққаны туралы хабарлама келіп түсті. Бес қабатты тұрғын үйдің 5-қабатындағы пәтерде жалпы ауданы 6 шаршы метр аумақта жиһаз бен үй заттары өртенді. Өрт орнынан 1969 жылы туған әйелдің денесі табылды. ТЖ департаментінің қызметкерлері кіреберістегі пәтерлерден 9 адамды эвакуациялады. Өрт 13:25-те оқшауланып, 13:31-де толық сөндірілді. Оқиғаның мән-жайы мен өрттің себебі анықталып жатыр», деп хабарлады Қарағанды ТЖД баспасөз қызметі.
Белгілі болғандай, қайтыс болған адамның денесінен пышақ жарақатының ізі табылған. Полиция «кісі өлтіру» бабы бойынша іс қозғады.
Аталған факті бойынша ҚР ҚК 99-бабы 1-бөлігі бойынша қылмыстық іс тіркелді. Қазіргі уақытта кінәлі адамды және болған оқиғаның мән-жайын анықтау бойынша жедел-іздестіру іс-шаралары жүргізіліп жатыр. Қажетті сараптамалар тағайындалды.
